Аб прадпрыемстве

Рэспубліканскае ўнітарнае прадпрыемства «Спецыяльная сувязь»

(Дзяржаўнае прадпрыемства «Спецсувязь»)

 

Гісторыя спецыяльнай сувязі пачынаецца 1 жніўня 1939 года. Увесь гэты час Дзяржаўнае прадпрыемства «Спецсувязь» паспяхова спраўляецца з ускладзенымі на яго функцыямі і задачамі па:

○ хуткай і надзейнай перасылцы спецыяльных адпраўленняў паміж індывідуальнымі прадпрымальнікамі, прадпрыемствамі, ведамствамі, арганізацыямі і ўстановамі ўсіх формаў уласнасці Рэспублікі Беларусь і дзяржаў-удзельніц Садружнасці Незалежных Дзяржаў;

○ эфектыўнаму развіццю комплекса паслуг спецыяльнай сувязі;

○ забеспячэнню бяспекі спецыяльных адпраўленняў, павышэнню надзейнасці і якасці работы падраздзяленняў спецыяльнай сувязі.

У цяперашні час Дзяржаўнае прадпрыемства «Спецсувязь» уключае 11 падраздзяленняў спецыяльнай сувязі ў гарадах Мінск, Брэст, Баранавічы, Пінск, Віцебск, Полацк, Гомель, Калінкавічы, Гродна, Магілёў, Бабруйск. Падраздзяленні аказваюць паслугі па перасылцы (прыёму, апрацоўцы, захоўванню, перавозцы, дастаўцы, ўручэнню) пакетаў з карэспандэнцыяй, пасылак, упаковак (метызаў), каштоўных папер, банкнот у беларускай і замежнай валюце, каштоўных металаў, каштоўных камянёў і вырабаў з іх, ювелірных вырабаў і манет з каштоўных металаў.

Перавозка спецыяльных адпраўленняў ажыццяўляецца ўласным аўтатранспартам, у тым ліку браніраванымі аўтамабілямі. Прадпрыемства абслугоўвае больш за 90 маршрутаў спецыяльнай сувязі. Перасылка спецыяльных адпраўленняў на ўсім шляху ажыццяўляецца ўзброенымі супрацоўнікамі спецыяльнай сувязі.

Нароўні з асноўнымі паслугамі Дзяржаўнае прадпрыемства «Спецсувязь» аказвае дадатковыя паслугі:

 - накіраванне фельдʹегера для прыёму пакетаў, пасылак у памяшканні адправіцеля;

 - захоўванне спецыяльных адпраўленняў ў падраздзяленнях спецыяльнай сувязі;

- аказанне паслуг спецыяльнай сувязі нарачным (па-за маршруту спецыяльнай сувязі).

У мэтах паляпшэння якасці паслуг на прадпрыемстве ўвесь час распрацоўваюцца і ўкараняюцца больш рацыянальныя маршруты дастаўкі спецыяльных адпраўленняў, праводзіцца тэхнічнае пераўзбраенне, абнаўленне парку аўтатранспарту, удасканальваецца аўтаматызацыя тэхналагічных працэсаў.

 

Нашы перавагі:

- шматгадовы вопыт працы;

- наяўнасць падраздзяленняў спецыяльнай сувязі ва ўсіх абласных гарадах, а таксама ў некаторых раённых цэнтрах Рэспублікі Беларусь;

- больш за 90 рэгулярных маршрутаў па тэрыторыі Рэспублікі Беларусь;

- дастаўка адпраўленняў ў абласныя і раённыя цэнтры краіны;

- магчымасць дастаўкі спецыяльных адпраўленняў нарачным;

- праца без пасрэднікаў на тэрыторыі Рэспублікі Беларусь;

- уласны аўтапарк спецыяльна абсталяваных машын;

- прывабныя тарыфы;

- забеспячэнне ўзброенай аховы на ўсіх этапах перасылкі спецыяльных адпраўленняў;

- гарантаваная бяспека адпраўленняў;

- прыватнасць прадстаўленай інфармацыі.

Дакументы: 
Закон аб паштовай сувязі :: Правілы аказання паслуг спецыяльнай сувязі

Дадатковая інфармацыя:
Тарыфныя зоны :: Тарыфы на паслугі :: Пералік зніжак на паслугі

Віды і ўмовы афармлення спецыяльных адпраўленняў:
Віды адпраўленняў. Гранічныя памеры і вага адпраўленняў :: Афармленне пакетаў :: Афармленне пасылак :: Афармленне ўпаковак