Агульныя ўмовы перасылкі

Спампаваць агульныя ўмовы перасылкі

1. Агульная інфармацыя

Рэспубліканскае ўнітарнае прадпрыемства «Спецыяльная сувязь», якое далей называецца Дзяржаўнае прадпрыемства «Спецсувязь», арганізуе па заяўках адпраўнікоў перасылку адпраўленняў «Спецсувязь-кур’ер» у абласныя, раённыя цэнтры і гарады абласнога падпарадкавання Рэспублікі Беларусь уласным і (або) прыцягнутым аўтамабільным транспартам у адпаведнасці з самастойна распрацаванымі раскладамі выканання маршрутаў спецыяльнай сувязі, на падставе Дагавора платнага аказання паслуг па перасылцы адпраўленняў «Спецсувязь-кур’ер» (далей – дагавор) і гэтых Агульных умоў перасылкі адпраўленняў «Спецсувязь-кур’ер» (далей – Агульныя ўмовы), размешчаных на сайце http://www.specsvyaz.by/.

Паслугі па перасылцы адпраўленняў «Спецсувязь-кур’ер» у населеныя пункты ніжэй раённых цэнтраў, пры наяўнасці магчымасці, могуць быць арганізаваныя па асобным разліковым тарыфе.

Гэтыя Агульныя ўмовы распрацаваны ў адпаведнасці з Законам Рэспублікі Беларусь ад 15 снежня 2003 г. № 258 «Аб паштовай сувязі» (далей – Закон), Правіламі аказання паслуг спецыяльнай сувязі, зацверджанымі пастановай Савета Міністраў ад 10 чэрвеня 2014 № 563 (далей – Правілы спецсувязі), Правіламі аказання кур’ерскіх паслуг, зацверджанымі пастановай Савета Міністраў Рэспублікі Беларусь ад 7 жніўня 2014 г. № 767 (далей – Правілы). Праваадносіны, не рэгуляваныя гэтымі Агульнымі палажэннямі, рэгулююцца Законам, Правіламі спецсувязі і Правіламі.

2. Тэрміны і вызначэнні:

У гэтых Агульных умовах выкарыстоўваюцца тэрміны і вызначэнні ў адпаведнасці з Законам, а таксама наступныя тэрміны і іх вызначэнні:

- дакументы, на падставе якіх выдаюцца кур’ерскія адпраўленні «Спецсувязь-кур’ер» – дакумент, які пацвярджае асобу; дакумент для выезду з Рэспублікі Беларусь і (або) уезду ў Рэспубліку Беларусь; вадзіцельскае пасведчанне; ваенны білет вайскоўца тэрміновай службы; даведка аб звароце з хадайніцтвам аб прадастаўленні статусу бежанца, дадатковай абароны або прытулку ў Рэспубліцы Беларусь; пасведчанне аб рэгістрацыі хадайніцтва аб прадастаўленні статусу бежанца, дадатковай абароны або прытулку ў Рэспубліцы Беларусь; пасведчанне аб прадастаўленні дадатковай абароны ў Рэспубліцы Беларусь (калі адсутнічае дакумент, які пацвярджае асобу);

- індывідуальная накладная – дакумент, які змяшчае ідэнтыфікацыйны нумар (адзінаццацізначны/дванаццацізначны нумар пачынаецца з літары К далей 11 (10) лічбаў (скразная нумерацыя)), указанні на бакі дагавора аб аказанні паслугі па перасылцы адпраўлення «Спецсувязь-кур’ер», які пацвярджае факт і дату прыёму і (або) дастаўкі (уручэння) такога адпраўлення па заяўцы карыстальніка паслуг;

- адпраўленне «Спецсувязь-кур’ер» – упакаванае адпраўленне спецыяльнай сувязі, перададзенае адпраўніком Дзяржаўнаму прадпрыемству «Спецсувязь» па дагаворы, індывідуальнай накладной або рэестры на прыём адпраўленняў «Спецсувязь-кур’ер» (далей – рэестр на прыём);

- карыстальнік паслуг – адпраўнік і (або) адрасат (атрымальнік) адпраўлення «Спецсувязь-кур’ер»;

- паслуга па перасылцы адпраўленняў – дзейнасць па прыёме, апрацоўцы, захоўванні, перавозцы, дастаўцы (уручэнні) адпраўленняў «Спецсувязь-кур’ер».

3. Агульныя ўмовы

Паслугі па перасылцы адпраўленняў прадастаўляюцца юрыдычным асобам і індывідуальным прадпрымальнікам. Фізічным асобам прадастаўляюцца паслугі па дастаўцы (уручэнні) адпраўленняў «Спецсувязь-кур’ер», прынятых на іх адрас ад юрыдычных асоб і індывідуальных прадпрымальнікаў.

Аказанне паслуг па перасылцы адпраўленняў «Спецсувязь-кур’ер» ажыццяўляецца на падставе дагавора, заключанага паміж Дзяржаўным прадпрыемствам «Спецсувязь» і юрыдычнай асобай або індывідуальным прадпрымальнікам.

Подпіс адпраўніка на індывідуальнай накладной або ў рэестры на прыём азначае гарантыю з яго боку, што адпраўленне «Спецсувязь-кур’ер», якое перадаецца для перасылкі, не змяшчае прадметаў і рэчываў, забароненых да перасылкі.

Перасылка адпраўленняў «Спецсувязь-кур’ер» ажыццяўляецца паміж карыстальнікамі паслуг г. Мінска, абласных і раённых цэнтраў і гарадоў абласнога падпарадкавання Рэспублікі Беларусь у адпаведнасці са строкамі перасылкі, указанымі ў дадатку 1 да гэтых Агульных умоў.

Аплата паслуг па перасылцы адпраўленняў «Спецсувязь-кур’ер» ажыццяўляецца па безнаяўным разліку ў адпаведнасці з заключаным дагаворам.

Разлік кошту паслуг па перасылцы адпраўленняў «Спецсувязь-кур’ер», а таксама дадатковых і іншых паслуг выконваецца на падставе тарыфаў, зацверджаных Дзяржаўным прадпрыемствам «Спецсувязь».

Аб змяненні тарыфаў Дзяржаўнае прадпрыемства «Спецсувязь» паведамляе карыстальнікаў паслуг шляхам размяшчэння адпаведнай інфармацыі на сайце прадпрыемства.

Дзяржаўнае прадпрыемства «Спецсувязь» пакідае за сабой права ўносіць змяненні ў расклады выканання маршрутаў і абслугоўвання гарадоў без папярэдняга паведамлення карыстальнікаў паслуг.

Адпраўленні «Спецсувязь-кур’ер» прымаюцца з укладаннем дакументаў і тавараў. Могуць прымацца з аб’яўленай каштоўнасцю, у такім выпадку адпраўніком можа ўказвацца апісанне ўкладання. У залежнасці ад укладання падзяляюцца на пакеты (дакументы) і пасылкі (тавары).

Упакоўка адпраўлення «Спецсувязь-кур’ер» выбіраецца адпраўніком і павінна адпавядаць характару ўкладання, умовам і працягласці перасылкі, выключаць магчымасць прычынення шкоды жыццю і здароўю работнікаў Дзяржаўнага прадпрыемства «Спецсувязь», пашкоджання (псавання) ўкладання пры апрацоўцы і перасылцы, доступу да ўкладання без парушэння ўпакоўкі, пашкоджання (псавання) іншых адпраўленняў.

Прыём пасылак масай звыш 10 кілаграмаў ажыццяўляецца на першым паверсе будынкаў. Дастаўка пасылак масай звыш 10 кілаграмаў ажыццяўляецца да першага паверха будынкаў.

У адпраўленнях «Спецсувязь-кур’ер» забаронены да перасылкі:

- прадметы, якія па сваіх уласцівасцях або характары ўпакоўкі могуць уяўляць небяспеку для работнікаў Дзяржаўнага прадпрыемства «Спецсувязь», прывесці да псавання іншых адпраўленняў;

- баявая, грамадзянская, службовая зброя і боепрыпасы да яе, акрамя выпадкаў, устаноўленых заканадаўствам;

- хуткапсавальныя тавары;

- наркатычныя сродкі, псіхатропныя рэчывы, іх прэкурсоры і аналагі, у тым ліку лекавыя сродкі, якія іх змяшчаюць;

- моцнадзейныя, атрутныя, лёгкаўзгаральныя, выбуховыя і іншыя небяспечныя рэчывы;

- парнаграфічныя матэрыялы;

- радыеактыўныя рэчывы;

- беларускія рублі і замежная валюта;

- тавары, якія патрабуюць асаблівага абыходжання (далікатныя альбо тыя, што павінны перавозіцца ў пэўным становішчы і г.д.);

- жывыя жывёлы, рыбы, птушкі, пчолы;

- іншыя прадметы і рэчывы, забароненыя да перасылкі заканадаўствам Рэспублікі Беларусь.

4. Віды паслуг па перасылцы адпраўленняў «Спецсувязь-кур’ер»

«Дзверы-дзверы» – прыём адпраўлення «Спецсувязь-кур’ер» па адрасе, указаным у заяўцы, перавозка і ўручэнне адпраўлення «Спецсувязь-кур’ер» па адрасе, указаным у індывідуальнай накладной.

«Дзверы-акно» – прыём адпраўлення «Спецсувязь-кур’ер» па адрасе, указаным у заяўцы, перавозка і ўручэнне адпраўлення «Спецсувязь-кур’ер» у акне выдачы падраздзялення спецыяльнай сувязі, якое абслугоўвае населены пункт, указаны ў адрасе індывідуальнай накладной.

«Акно-дзверы» – прыём адпраўлення «Спецсувязь-кур’ер» у адпраўніка ў акне прыёму падраздзялення спецыяльнай сувязі, перавозка і ўручэнне адпраўлення «Спецсувязь-кур’ер» па адрасе, указаным у індывідуальнай накладной.

«Акно-акно» – прыём адпраўлення «Спецсувязь-кур’ер» у адпраўніка ў акне прыёму спецыяльнай сувязі, перавозка і ўручэнне адпраўлення «Спецсувязь-кур’ер» у акне выдачы падраздзялення спецыяльнай сувязі, якое абслугоўвае населены пункт, указаны ў адрасе індывідуальнай накладной.

5. Дадатковыя паслугі

5.1. Паслуга па пераадрасацыі адпраўленняў «Спецсувязь-кур’ер»

Паслуга па пераадрасацыі адпраўленняў «Спецсувязь-кур’ер» прадастаўляецца адпраўніку па яго пісьмовай заяве і толькі ў межах горада, куды яно адрасавана.

Адпраўнік паслуг накіроўвае заяву на пераадрасацыю ў адвольнай форме. Заява павінна змяшчаць зыходныя даныя адпраўлення «Спецсувязь-кур’ер»: нумар індывідуальнай накладной або нумар рэестра на прыём (або нумар па стыкеры штрых-кода) і дату яго фарміравання і перадачы работніку спецыяльнай сувязі, адрасныя даныя адпраўніка і атрымальніка, а таксама новыя адрасныя даныя, па якіх неабходна ўручыць адпраўленне «Спецсувязь-кур’ер», і поўную назву адрасата.

Заява можа быць пададзена на папяровым носьбіце, завераная подпісам адпраўніка, або накіравана з дапамогай факсімільнай сувязі альбо ў выглядзе скан-копіі па электроннай пошце або іншымі каналамі сувязі.

Паслуга па пераадрасацыі адпраўлення «Спецсувязь-кур’ер» аплачваецца ў адпаведнасці з тарыфамі, зацверджанымі Дзяржаўным прадпрыемствам «Спецсувязь», калі іншае не прадугледжана дагаворам.

5.2. Паслуга па ўдакладненні адраса

Паслуга па ўдакладненні адраса (удакладненне нумара дома, корпуса, кватэры, офіса, нумара тэлефона адрасата) прадастаўляецца атрымальніку толькі ў межах аднаго населенага пункта. Паслуга па ўдакладненні адраса прадастаўляецца атрымальніку адналкова без спагнання дадатковай платы.

5.3. Паслуга па пацвярджэнні ўручэння адпраўлення «Спецсувязь-кур’ер»

Паслуга па пацвярджэнні ўручэння адпраўлення «Спецсувязь-кур’ер» прадастаўляецца толькі адпраўнікам – юрыдычным асобам і індывідуальным прадпрымальнікам, якія заключылі дагавор з Дзяржаўным прадпрыемствам «Спецсувязь».

У якасці пацвярджэння ўручэння карыстальніку паслуг прадастаўляюцца копіі і скан-копіі індывідуальнай накладной або рэестра на выдачу адпраўленняў па маршруце з подпісам атрымальніка аб атрыманні ім адпраўлення «Спецсувязь-кур’ер».

Паслуга па пацвярджэнні ўручэння прадастаўляецца за дадатковую плату па тарыфах, зацверджаных Дзяржаўным прадпрыемствам «Спецсувязь».

5.4. Паслуга па прадастаўленні ўпаковачных матэрыялаў

Адпраўніку пры прыёме без спагнання платы прадастаўляецца, пры наяўнасці, пластыкавы пакет, які выкарыстоўваецца адпраўніком для перасылкі адпраўленняў «Спецсувязь-кур’ер».

5.5. Паслуга па паўторнай дастаўцы адпраўлення «Спецсувязь-кур’ер»

У выпадку неўручэння адпраўлення «Спецсувязь-кур’ер» пры першай яго дастаўцы, па прычынах, не залежных ад Дзяржаўнага прадпрыемства «Спецсувязь», можа ажыццяўляцца паўторная дастаўка за дадатковую плату. Паслуга аказваецца адпраўніку адпраўлення «Спецсувязь-кур’ер».

6. Фармат адпраўленняў «Спецсувязь-кур’ер», якія прымаюцца да перасылкі:

Пакет (адпраўленне з дакументамі)

Максімальная маса аднаго пакета – 2,0 кілаграма.

Пасылка (адпраўленне з таварамі)

Максімальная маса – 50 кілаграмаў.

Мінімальны памер: 18,5 см x 24 см.

Максімальны: любое вымярэнне – 150 см, пры гэтым сума даўжыні і найбольшага ахопу, узятага ў любым кірунку, акрамя даўжыні, – 300 см.

7. Прыняцце заяўкі

Дзяржаўнае прадпрыемства «Спецсувязь» прымае заяўкі на прыём адпраўленняў «Спецсувязь-кур’ер» (далей – заяўка) у працоўныя дні з 9.00 да 17:00.

У заяўцы адпраўніком указваюцца: ад чыйго імя робіцца заяўка (найменне контрагента); адрас, па якім неабходна прыняць адпраўленне «Спецсувязь-кур’ер» (месца адпраўлення); адрас атрымальніка; від адпраўлення (пакет, пасылка); від паслугі – дзверы-акно або дзверы-дзверы, колькасць адпраўленняў; прыкладная або дакладная маса адпраўленняў; кантактны нумар тэлефона асобы, адказнай за адпраўку.

Заяўкі прымаюцца цэхамі і аддзяленнямі спецыяльнай сувязі па наступных адрасах электроннай пошты:

Брэсцкі цэх спецыяльнай сувязі – lep@specsvyaz.by; buchik@specsvyaz.by;

Баранавіцкае аддзяленне спецыяльнай сувязі – baranovichi@specsvyaz.by; TAC@specsvyaz.by;

Пінскае аддзяленне спецыяльнай сувязі – pinsk@specsvyaz.by; pinskhead@specsvyaz.by;

Віцебскі цэх спецыяльнай сувязі – vitebsk@specsvyaz.by; rozumets@specsvyaz.by;

Полацкае аддзяленне спецыяльнай сувязі – polozk@specsvyaz.by; poleshkevich@specsvyaz.by;

Гомельскі цэх спецыяльнай сувязі – gomel@specsvyaz.by; aleshkevich@specsvyaz.by;

Калінкавіцкае аддзяленне спецыяльнай сувязі – kalinkovichi@specsvyaz.by; dea@specsvyaz.by;

Гродзенскі цэх спецыяльнай сувязі – grodno@specsvyaz.by; LVB@specsvyaz.by;

Мінскі цэх спецыяльнай сувязі – operativ@specsvyaz.by; zubritsky@specsvyaz.by;

Магілёўскі цэх спецыяльнай сувязі – mogilev@specsvyaz.by; yagur@specsvyaz.by;

Бабруйскае аддзяленне спецыяльнай сувязі – bobruisk@specsvyaz.by; saa@specsvyaz.by.

Прыём адпраўленняў «Спецсувязь-кур’ер» у карыстальнікаў паслуг па прынятых заяўках ажыццяўляецца пры наяўнасці заключанага дагавора на аказанне паслуг на ўмовах працы па аплаце паслуг па факце іх аказання.

Калі з карыстальнікам паслуг, які размясціў заяўку, няма заключанага дагавора, адказны супрацоўнік Дзяржаўнага прадпрыемства «Спецсувязь» заключае з карыстальнікам паслуг дагавор на ўмовах аплаты паслуг па факце іх аказання. Заяўка на перасылку прымаецца пасля падпісання дагавора абедзвюма бакамі.

Заяўкі на перасылку адпраўленняў «Спецсувязь-кур’ер» для населеных пунктаў, якія абслугоўваюцца ў пэўныя гадзіны па графіку менш за пяць дзён на тыдзень, прымаюцца папярэдне, мінімум за адзін працоўны дзень да планаванага дня адпраўкі.

8. Афармленне адпраўленняў «Спецсувязь-кур’ер» адпраўніком

8.1. Адпраўленні прымаюцца па індывідуальнай накладной у 4-х экземплярах, форма якой прыведзена ў дадатку 2. Пры адпраўцы адпраўленняў «Спецсувязь-кур’ер» можа выкарыстоўвацца рэестр на прыём па форме, прыведзенай у дадатку 3.

Індывідуальная накладная ідзе з адпраўленнем «Спецсувязь-кур’ер» ад адпраўніка да атрымальніка. Індывідуальная накладная мае унікальны нумар, які адначасова з’яўляецца і нумарам адпраўлення «Спецсувязь-кур’ер». Індывідуальную накладную ўкладваюць у празрыстую кішэню, замацаваную на абалонцы адпраўлення «Спецсувязь-кур’ер» з магчымасцю яе вымання без раскрыцця адпраўлення. Пры адсутнасці на адпраўленнях «Спецсувязь-кур’ер» празрыстага кішэні, для перасылкі спадарожнай дакументацыі могуць выкарыстоўвацца самаклейныя празрыстыя кішэні, якія наклейваюцца на ўпакоўку адпраўлення (скрынкі, мяшкі, кантэйнеры).

Запаўненне індывідуальнай накладной ажыццяўляецца адпраўніком на прадастаўленым Дзяржаўным прадпрыемствам «Спецсувязь» бланку.

Адпраўніком выразна і разборліва запаўняюцца ўсе графы, якія падлягаюць запаўненню адпраўніком: Адкуль (ад Каго), Куды (Каму), від адпраўлення, від паслугі, аб’яўленая каштоўнасць (пры яе наяўнасці), апісанне ўкладання, ставіцца подпіс (і робіцца расшыфроўка подпісу) асобы, якая запоўніла бланк.

Пры адпраўцы адпраўлення «Спецсувязь-кур’ер» з аб’яўленай каштоўнасцю адпраўніком у абавязковым парадку ў індывідуальнай накладной запаўняецца графа «аб’яўленая каштоўнасць» і апісанне ўкладання з сапраўдным коштам кожнага перасылаемага прадмета і (або) рэчыва.

Пры адпраўцы адпраўлення «Спецсувязь-кур’ер» з аб’яўленай каштоўнасцю з укладаннем вырабаў з каштоўных металаў і каштоўных камянёў адпраўніком у індывідуальнай накладной у полі «Апісанне ўкладання» дадаткова ўказваецца нумар таварнай накладной. Адпраўнік абавязаны прад’явіць работніку спецыяльнай сувязі адпаведную таварную накладную, указаную ў індывідуальнай накладной, для звяркі сумаў сапраўднага кошту тавараў з сумамі аб’яўленай каштоўнасці адпраўлення «Спецсувязь-кур’ер». Пры разыходжанні даных аб кошце перасылаемага ўкладання, указаных у таварнай накладной і індывідуальнай накладной, адпраўленне «Спецсувязь-кур’ер» не прымаецца.

8.2. Адпраўленні «Спецсувязь-кур’ер» могуць прымацца па рэестры на прыём. У гэтым выпадку адпраўнік выразна і разборліва на лицавым баку адпраўлення (пакета, пасылкі) указвае поўную назву адпраўніка і яго адрас, поўную назву і адрас атрымальніка, у абавязковым парадку указвае кантактныя нумары тэлефонаў адпраўніка і атрымальніка, від адпраўлення, від паслугі, аб’яўленую каштоўнасць (пры неабходнасці).

Адрас атрымальніка размяшчаецца ў ніжняй правай частцы адпраўлення, адрас адпраўніка – у верхняй левай яго частцы.

Адпраўка адпраўленняў «Спецсувязь-кур’ер» ажыццяўляецца па складзеным у двух экземплярах рэестры на прыём, форма якога прыведзена ў дадатку 2. У рэестры на прыём адпраўніком указваюцца найменні падраздзялення спецыяльнай сувязі, якое ажыццяўляе прыём, адпраўніка, нумар асабовага рахунку, від паслугі, парадкавы нумар адпраўлення па рэестры на прыём, від адпраўлення, аб’яўленая каштоўнасць (пры наяўнасці), адрас і поўная назва атрымальніка кожнага адпраўлення, колькасць адпраўленняў пропісам, ІІН, прозвішча, імя, імя па бацьку асобы, якая склала рэестр, і яе подпіс.

Пры адпраўцы адпраўлення з аб’яўленай каштоўнасцю ў рэестры на прыём у графе «Аб’яўленая каштоўнасць» адпраўніком указваецца сапраўдная сума аб’яўленай каштоўнасці.

Пры адпраўцы адпраўлення «Спецсувязь-кур’ер» з аб’яўленай каштоўнасцю з укладаннем вырабаў каштоўных металаў і каштоўных камянёў адпраўніком у графе 5 рэестра на прыём указваецца нумар таварнай накладной. Адпраўнік абавязаны прад’явіць работніку спецыяльнай сувязі адпаведную таварную накладную, указаную ў рэестры на прыём, для звяркі сумаў сапраўднага кошту тавараў з сумамі аб’яўленай каштоўнасці адпраўлення «Спецсувязь-кур’ер». Пры разыходжанні даных аб кошце перасылаемага ўкладання, указаных у таварнай накладной і рэестры на прыём, адпраўленне «Спецсувязь-кур’ер» не прымаецца.

У канцы рэестра адпраўніком указваецца агульная колькасць адпраўленняў «Спецсувязь-кур’ер» пропісам і подпіс адпраўніка, завераны адбіткам пячаткі (пры наяўнасці), які адпавядае назве адпраўніка, указанаму на спецыяльным адпраўленні.

8.3. Адпраўленні «Спецсувязь-кур’ер» прымаюцца фельд’егерам у ўпакованым выглядзе.

Адпраўнік ажыццяўляе падрыхтоўку і надзейную ўпакоўку адпраўленняў «Спецсувязь-кур’ер», якая забяспечвае захаванасць укладання ў працэсе перавозкі, а таксама шматразовых перагрузак у экспедыцыях, выключае доступ да ўкладання адпраўленняў «Спецсувязь-кур’ер», а пры неабходнасці (шкло і г.д.) – забяспечвае спецыяльную ўпакоўку адпраўленняў «Спецсувязь-кур’ер».

Упакоўка адпраўлення «Спецсувязь-кур’ер» павінна выключаць магчымасць пашкоджання іншых адпраўленняў.

8.4. Адпраўнік забяспечвае свабодны доступ фельд’егера і транспартнага сродку спецыяльнай сувязі да месца адпраўлення, у тым ліку калі для гэтага патрабуецца аплата, спецыяльны дазвол, пропуск і да т.п. У выпадку аплаты прадстаўніком Дзяржаўнага прадпрыемства «Спецсувязь» расходаў па доступе да месца адпраўлення адпраўнік кампенсуе яму гэтыя расходы.

У выпадку неготовасці да адпраўкі адпраўленняў «Спецсувязь-кур’ер» да моманту прыбыцця фельд’егера (далей – зрыў выканання заяўкі), Дзяржаўнае прадпрыемства «Спецсувязь» па ўзгадненні з карыстальнікам паслуг можа ажыццявіць прыём такіх адпраўленняў у іншы працоўны дзень у адпаведнасці з графікам абслугоўвання.

За кожны зрыў выканання заяўкі карыстальнік паслуг аплачвае Дзяржаўнаму прадпрыемству «Спецсувязь» фіксаваную суму ў адпаведнасці з зацверджанымі тарыфамі.

9. Прыём адпраўленняў «Спецсувязь-кур’ер»

9.1. Прыём адпраўленняў «Спецсувязь-кур’ер» па месцазнаходжанні адпраўніка:

Дзяржаўнае прадпрыемства «Спецсувязь» прымае адпраўленні «Спецсувязь-кур’ер», аформленыя ў адпаведнасці з пунктам 8 гэтых Агульных умоў:

у населеных пунктах, якія абслугоўваюцца пяць дзён на тыдзень, сіламі фельд’егераў/кур’ераў штодня ў працоўныя дні з 9:00 да 17:00;

у населеных пунктах, якія абслугоўваюцца ў пэўныя гадзіны па графіку менш за пяць дзён на тыдзень, прыём аформленых адпраўленняў «Спецсувязь-кур’ер» ажыццяўляецца ў адпаведнасці з графікам у бліжэйшы пасля прыняцця заяўкі дзень абслугоўвання дадзенага населенага пункта з гатоўнасцю адпраўленняў да адпраўкі з 9:00.

Дзяржаўнае прадпрыемства «Спецсувязь» пакідае за сабой права зрушваць часовыя абмежаванні абслугоўвання. Указаныя ў графіку часовыя рамкі вызначаюцца тэхнічнай магчымасцю і не з’яўляюцца абавязкам Дзяржаўнага прадпрыемства «Спецсувязь» прымаць/дастаўляць (уручаць) адпраўленні менавіта ў указаныя прамежкі часу.

Прыём адпраўленняў ажыццяўляецца па знешніх прыкметах (колькасць месцаў, выгляд і стан упакоўкі) і індывідуальных накладных або рэестрах на прыём, без праверкі ўкладання, без прыняцця адказнасці за ўнутранае змесціва адпраўленняў «Спецсувязь-кур’ер».

У выпадку, калі ў работніка Дзяржаўнага прадпрыемства «Спецсувязь» узніклі падазрэнні аб наяўнасці забароненага ўкладання ў адпраўленні «Спецсувязь-кур’ер», ён мае права папрасіць адпраўніка раскрыць і паказаць змесціва адпраўлення «Спецсувязь-кур’ер». Пры наяўнасці забароненага ўкладання адпраўленне «Спецсувязь-кур’ер» да перасылкі не прымаецца.

Усе адпраўленні «Спецсувязь-кур’ер», прызначаныя для перадачы фельд’егеру, павінны быць упакаваныя адпраўніком і знаходзіцца ў адным месцы. Час чакання фельд’егера пасля прыбыцця па адрасе адпраўніка і перадачы адпраўніку інфармацыі аб прыбыцці да пачатку перадачы яму адпраўленняў «Спецсувязь-кур’ер» па заяўцы не павінен перавышаць 10 хвілін.

У выпадку чакання больш за ўстаноўлены тэрмін фельд’егер па ўзгадненні з непасрэдным кіраўніком мае права пакінуць адрас адпраўніка. Для перааформлення заяўкі адпраўніку неабходна звязацца з Дзяржаўным прадпрыемствам «Спецсувязь».

Пры ажыццяўленні прыёму адпраўлення фельд’егер:

- уважліва аглядае кожнае адпраўленне «Спецсувязь-кур’ер», цэласць абалонак, правярае правільнасць упакоўкі, адрасавання і афармлення;

- у выпадку выяўлення дэфекту ўпакоўкі або несупадзення ўпакоўкі з укладаннем прапануе адпраўніку пераупакаваць адпраўленне «Спецсувязь-кур’ер» на працягу часу прыёму адпраўленняў;

- у выпадку выяўлення памылак/адсутнасці неабходнай інфармацыі ў індывідуальнай накладной або рэестры на прыём прапануе адпраўніку іх дапоўніць (перааформіць) на працягу часу прыёму адпраўленняў «Спецсувязь-кур’ер». Калі адпраўнік адмаўляецца ад прапановы, то гэтыя адпраўленні «Спецсувязь-кур’ер» не прымаюцца да перасылкі;

- запаўняе дату і час прыёму адпраўлення «Спецсувязь-кур’ер», прастаўляе пячатку «Для пакетаў» у індывідуальнай накладной і пакідае чацвёрты экземпляр індывідуальнай накладной адпраўніку. Пры прыёме адпраўленняў «Спецсувязь-кур’ер» па рэестры на прыём запаўняе ў указаным рэестры радок «прынята ўсяго», у якой указвае колькасць прынятых адпраўленняў пропісам і від адпраўленняў, ставіць дату прыёму подпіс, прастаўляе пячатку «Для пакетаў».

9.2. Прыём адпраўленняў «Спецсувязь-кур’ер» у падраздзяленнях спецыяльнай сувязі ажыццяўляецца па графіку работы падраздзялення, указаным на сайце прадпрыемства: http://www.specsvyaz.by/contacts/podrazdelenija.php.

Пры прыёме адпраўленняў «Спецсувязь-кур’ер» ад адпраўніка работнік падраздзялення спецыяльнай сувязі абавязаны:

Пры прыёме адпраўленняў «Спецсувязь-кур’ер» ад адпраўніка работнік падраздзялення спецыяльнай сувязі абавязаны:

- уважліва праверыць кожнае адпраўленне «Спецсувязь-кур’ер» на адпаведнасць патрабаванням да ўпакоўкі;

- праверыць цэласць упакоўкі адпраўленняў «Спецсувязь-кур’ер»;

- пры ўзнікненні падазрэнняў на наяўнасць у адпраўленні прадметаў, забароненых да перасылкі, патрабаваць ад адпраўніка раскрыць адпраўленне «Спецсувязь-кур’ер», у выпадку адмовы адпраўніка такое адпраўленне да перасылкі не прымаецца. Па просьбе адпраўніка работнік падраздзялення спецыяльнай сувязі пры прыёме абклейвае стыкі клапанаў скрынкаў фірмовым скотчам Дзяржаўнага прадпрыемства «Спецсувязь»;

- праверыць правільнасць афармлення індывідуальнай накладной/рэестра на прыём;

- узважыць і правесці тарыфікацыю адпраўлення «Спецсувязь-кур’ер»;

- запоўніць дату і час прыёму адпраўлення «Спецсувязь-кур’ер», праставіць пячатку «Для пакетаў» у індывідуальнай накладной і ўручыць чацвёрты экземпляр індывідуальнай накладной адпраўніку;

- пры прыёме адпраўленняў «Спецсувязь-кур’ер» па рэестры на прыём запаўняе ў указаным рэестры радок «прынята ўсяго», у якой указвае колькасць прынятых адпраўленняў пропісам і від адпраўленняў, ставіць дату прыёму подпіс, прастаўляе пячатку «Для пакетаў»;

- аформіць і ўручыць адпраўніку квітанцыю за паслугі сувязі.

10. Дастаўка (уручэнне) адпраўленняў «Спецсувязь-кур’ер»

Дастаўка (уручэнне) адпраўленняў «Спецсувязь-кур’ер» ажыццяўляецца:

- па адрасе, указаным у індывідуальнай накладной/на абалонцы адпраўлення;

- у акнах прыёму/выдачы адпраўленняў «Спецсувязь-кур’ер» падраздзяленняў спецыяльнай сувязі.

Фельд’егеры Дзяржаўнага прадпрыемства «Спецсувязь» ажыццяўляюць дастаўку адпраўленняў «Спецсувязь-кур’ер» у населеных пунктах, якія абслугоўваюцца пяць дзён на тыдзень, штодня у працоўныя дні з 9:00 да 17:00.

У населеных пунктах, якія абслугоўваюцца Дзяржаўным прадпрыемствам «Спецсувязь» у пэўныя гадзіны па графіку менш за пяць дзён на тыдзень, дастаўка адпраўленняў «Спецсувязь-кур’ер» ажыццяўляецца ў адпаведнасці з графікам абслугоўвання дадзенага населенага пункта.

Дзяржаўнае прадпрыемства «Спецсувязь» пакідае за сабой права зрушваць часовыя абмежаванні абслугоўвання. Указаныя ў графіку часовыя рамкі вызначаюцца тэхнічнай магчымасцю і не з’яўляюцца абавязкам Дзяржаўнага прадпрыемства «Спецсувязь» дастаўляць адпраўленні менавіта ў указаныя прамежкі часу.

Адпраўленні «Спецсувязь-кур’ер», адрасаваныя юрыдычнай асобе, уручаюцца ўпаўнаважаным ёю асобам. У індывідуальнай накладной атрымальнікам указваюцца прозвішча, уласнае імя, імя па бацьку (калі маецца), пасада ўпаўнаважанай асобы, дата і час уручэння адпраўлення, рэквізіты даверанасці або адбітак пячаткі (штэмпеля) пры наяўнасці.

Адпраўленні «Спецсувязь-кур’ер», адрасаваныя індывідуальнаму прадпрымальніку або фізічнай асобе, уручаюцца такой асобе пасля прад’яўлення дакумента, на падставе якога выдаюцца адпраўленні «Спецсувязь-кур’ер».

Адрасат можа ўпаўнаважыць іншую асобу на атрыманне кур’ерскага адпраўлення, выдаўшы ёй даверанасць, аформленую ў устаноўленым заканадаўствам парадку. Даверанасць і дакумент, які пацвярджае асобу, прад’яўляюцца пры атрыманні адпраўленняў «Спецсувязь-кур’ер».

Разавыя даверанасці на атрыманне адпраўленняў «Спецсувязь-кур’ер» або адзін экземпляр даверанасці, выдадзенай на пэўны тэрмін, застаюцца ў Дзяржаўнага прадпрыемства «Спецсувязь».

На адпраўленні «Спецсувязь-кур’ер», якія паступілі з разыходжаннем фактычнай масы з указанай на адпраўленні, з пашкоджанай упакоўкай складаецца акт у двух экземплярах, такія адпраўленні ўручаюцца адрасату з адным экземплярам акта.

Адпраўленні «Спецсувязь-кур’ер» з аб’яўленай каштоўнасцю, якія паступілі ў дэфектным стане, уручаюцца ў падраздзяленні спецыяльнай сувязі і пры ўручэнні адрасату павінны раскрывацца работнікам Дзяржаўнага прадпрыемства «Спецсувязь» у прысутнасці адрасата.

Калі пры раскрыцці адпраўлення «Спецсувязь-кур’ер» будзе выяўлена недастача, поўнае або частковае пашкоджанне альбо псаванне ўкладання, то складаецца акт, які падпісваецца работнікам Дзяржаўнага прадпрыемства «Спецсувязь» і адрасатам. Адзін экземпляр акта разам з адпраўленнем «Спецсувязь-кур’ер» перадаецца адрасату, другі экземпляр, па якім праводзіцца службовая праверка, застаецца ў Дзяржаўным прадпрыемстве «Спецсувязь».

Пры адмове адрасата (атрымальніка) ад раскрыцця адпраўлення «Спецсувязь-кур’ер» апошняе выдаецца яму пад роспіс з пазнакай «Ад раскрыцця адмовіўся». У гэтым выпадку прэтэнзіі ў дачыненні да такога адпраўлення не прымаюцца.

У выпадку неўручэння адпраўлення «Спецсувязь-кур’ер» другая спроба дастаўкі адпраўлення «Спецсувязь-кур’ер» па ўзгадненні з адрасатам (атрымальнікам) або адпраўніком у іншы дзень за дадатковую плату ў адпаведнасці з зацверджанымі Дзяржаўным прадпрыемствам «Спецсувязь» тарыфамі, калі іншае не прадугледжана Дагаворам аб аказанні паслуг па перасылцы адпраўленняў «Спецсувязь-кур’ер».

Пацвярджэннем уручэння адпраўлення «Спецсувязь-кур’ер» з’яўляецца пазначэнне атрымальнікам у індывідуальнай накладной або рэестры на выдачу адпраўленняў у дастаўку па маршруце рэквізітаў прад’яўленых дакументаў, подпісаў, прозвішча, уласнага імя, імя па бацьку (калі маецца), даты і часу атрымання адпраўлення «Спецсувязь-кур’ер», рэквізітаў даверанасці, адбітка пячаткі (штэмпеля) (пры наяўнасці), экземпляры якіх застаюцца ў вытворчых дакументах падраздзялення спецыяльнай сувязі.

11. Недастаўленыя, неўручаныя адпраўленні «Спецсувязь-кур’ер»

Калі пры спробе даставіць адпраўленне «Спецсувязь-кур’ер» яно не можа быць уручана атрымальніку, або атрымальнік адмаўляецца яго прыняць, фельд’егер ад’язджае з дадзенага адраса, паведаміўшы папярэдне пра праблему свайму непасрэднаму кіраўніку.

Калі адпраўленне «Спецсувязь-кур’ер» немагчыма даставіць з-за няправільнага адраса, Дзяржаўнае прадпрыемства «Спецсувязь» вяртае яго адпраўніку або дастаўляе адпраўленне «Спецсувязь-кур’ер» па змененым адрасе (дадатковыя паслугі па пераадрасацыі адпраўлення «Спецсувязь-кур’ер» або па ўдакладненні адраса).

Тэрмін захоўвання неўрученых адпраўленняў «Спецсувязь-кур’ер» не перавышае 30 календарных дзён з дня паступлення адпраўлення ў падраздзяленне спецыяльнай сувязі.

Па заканчэнні 30 календарных дзён адпраўленне «Спецсувязь-кур’ер» вяртаецца адпраўніку.

На якія вяртаюцца адпраўленнях указваецца прычына вяртання.

12. Абавязкі карыстальнікаў паслуг

Карыстальнік паслуг выконвае ўмовы дагавора на аказанне паслуг па перасылцы адпраўленняў «Спецсувязь-кур’ер», заключанага з Дзяржаўным прадпрыемствам «Спецсувязь», а таксама гэтыя Агульныя ўмовы і Правілы.

Карыстальнік паслуг гарантуе, што ён забяспечыць выкананне або захаванне наступных дзеянняў або ўмоваў:

- дакладна і правільна ўкажа ў заяўцы/індывідуальнай накладной/рэестры на прыём поўныя адрасныя даныя адпраўніка і атрымальніка, від адпраўлення «Спецсувязь-кур’ер», від паслугі, аб’яўленую каштоўнасць, нумар таварнай накладной пры перасылцы вырабаў з каштоўных металаў і каштоўных камянёў і апісанне ўкладання адпраўлення;

- усе графы індывідуальнай накладной/рэестра на прыём запоўніць поўнасцю, акуратна і разборліва;

- адсутнасць у адпраўленнях забароненых да перасылкі прадметаў і рэчываў.

13. Адказнасць Дзяржаўнага прадпрыемства «Спецсувязь»

Дзяржаўнае прадпрыемства «Спецсувязь» нясе адказнасць за выкананне абавязацельстваў па перасылцы адпраўлення «Спецсувязь-кур’ер» з моманту яго прыёму. У выпадку парушэння заяўленых тэрмінаў перасылкі, указаных у дадатку 3, адпраўлення «Спецсувязь-кур’ер» Дзяржаўнае прадпрыемства «Спецсувязь» выплачвае адпраўніку 1 працэнт ад кошту паслугі па перасылцы названага адпраўлення «Спецсувязь-кур’ер» за кожны дзень пратэрміноўкі.

Пры гэтым Дзяржаўнае прадпрыемства «Спецсувязь» не гарантуе дастаўку адпраўленняў «Спецсувязь-кур’ер» да пэўнай даты або тэрміну, пазначаных адпраўніком.

За страту адпраўлення «Спецсувязь-кур’ер» без аб’яўленай каштоўнасці Дзяржаўным прадпрыемствам «Спецсувязь» выплачваецца сума ў памеры 0,1 базавай велічыні і аплата за перасылку.

За страту адпраўлення «Спецсувязь-кур’ер» з аб’яўленай каштоўнасцю Дзяржаўным прадпрыемствам «Спецсувязь» выплачваецца сума ў памеры аб’яўленай каштоўнасці і аплаты за перасылку.

Пры недастачы часткі ўкладання ў адпраўленні «Спецсувязь-кур’ер» з аб’яўленай каштоўнасцю пры яго перасылцы з апісаннем укладання Дзяржаўнае прадпрыемства «Спецсувязь» выплачвае суму ў памеры кошту адсутнай часткі ўкладання, указанай адпраўніком у апісанні ўкладання.

У выпадку псавання (пашкоджання) ўкладання адпраўлення «Спецсувязь-кур’ер» з аб’яўленай каштоўнасцю памер выплаты вызначаецца з улікам сумы аб’яўленай каштоўнасці і масы наступным чынам:

- пры псаванні (пашкоджанні) усяго ўкладання адпраўлення «Спецсувязь-кур