Парадак прыёму

Прыём спецыяльных адпраўленняў, як правіла, ажыццяўляецца ў памяшканнях падраздзяленняў спецыяльнай сувязі.

На дагаворнай аснове прыём спецыяльных адпраўленняў, за выключэннем упаковак, можа ажыццяўляцца ў памяшканнях адпраўнікоў.

Па заяве адпраўніка (пры наяўнасці магчымасці) прыём і дастаўка спецыяльных адпраўленняў могуць ажыццяўляцца нарочным.

Прыём спецыяльных адпраўленняў ажыццяўляецца па рэестры формы ф.1, ф.1 «а», ф.1а «ДМ», складзеным у двух экзэмплярах, які запаўняецца адпраўніком. У рэестры адпраўнік указвае: поўнае найменне або прозвішча, уласнае імя, імя па бацьку (калі ёсць) і адрас адпраўніка; нумар асабовага рахунку; парадкавы нумар спецыяльнага адпраўлення; адрас і поўнае найменне або прозвішча, уласнае імя, імя па бацьку (калі ёсць) адрасата; зыходны нумар, пазначаны адпраўніком на спецыяльным адпраўленні, а таксама адпаведны грыф сакрэтнасці або пазнаку ў графе «Важнасць».

Пры адпраўцы спецыяльнага адпраўлення з абвешчанай вартасцю ў рэестры ў графе «Сума абвешчанай вартасці» адпраўнік указвае суму абвешчанай вартасці адпраўлення.

У завяршэнні рэестра словамі ўказваецца агульная колькасць і сума абвешчанай вартасці спецыяльных адпраўленняў, завераныя подпісам і адбіткам пячаткі адпраўніка.

Пры адпраўцы пасылак з абвешчанай вартасцю з укладаннем каштоўных металаў і каштоўных камянёў, а таксама вырабаў з іх, адпраўнік у рэестры ўказвае нумар таварнай накладной. Адпраўнік абавязаны прад’явіць работніку спецыяльнай сувязі адпаведную таварную накладную, пазначаную ў рэестры, для праверкі сум фактычнай вартасці тавараў з сумамі абвешчанай вартасці спецыяльных адпраўленняў. Пры разыходжанні дадзеных аб вартасці ўкладання, пазначаных у таварнай накладной і рэестры, спецыяльнае адпраўленне не прымаецца.

Па ўзгадненні з Рэспубліканскім унітарным прадпрыемствам «Спецыяльная сувязь» рэестр можа падавацца ў электронным выглядзе.

Пры адначасовым прыёме ад аднаго адпраўніка некалькіх відаў спецыяльных адпраўленняў (пакетаў, пасылак, упаковак) на кожны від складаецца асобны рэестр.

Пры прыёме спецыяльных адпраўленняў ад аднаго адпраўніка па некалькіх рэестрах выпісваецца адна агульная квітанцыя.

Для атрымання больш падрабязнай інфармацыі аб дадзенай паслузе і тарыфах звярніцеся ў падраздзяленне спецыяльнай сувязі, якое абслугоўвае Ваш раённы цэнтр.